Պլեներային վերնիսաժ Գդանսկում |
|
29.10.2018. |
Գդանսկի հայկական միության նախագահ, գեղանկարիչ Գագիկ Պարսամյանը, որը 23 տարի առաջ հրավիրվել էր Գդանսկ՝ ցուցահանդես կազմակերպելու, ասում է. «Սիրահարվեցի քաղաքին ու նրա բնակիչներին» և մնացի այստեղ: Քսան տարի շարունակ նա միայնակ և ուրիշների հետ միասին կազմակերպել է հայկական օրեր Գդանսկում և Լեհաստանի օրեր Հայաստանում՝ երկու ազգերի արվեստն ու մշակույթը միմյանց մոտեցնելու կարգախոսի ներքո: Այսօր նրա հերթական նախաձեռնության եզրափակիչ օրն է: Ս.թ. հոկտեմբերի 28-ին Տանը տեղի ունեցավ Հայաստանի նկարիչների ցուցահանդես` «Գդանսկի հմայքը հայերի աչքերով»: Գդանսկում ամառային պլեներների ընթացքում մի խումբ նկարիչներ` Հռիփսիմե Առաքելյանը, Սերգեյ Իսավերդյանը, Փարավոն Միրզոյանը, Գարիկ Փրվեյանը և Ռուբեն Վերդանյանը կտավին փոխանցեցին Գդանսկի հայտնի բնապատկերները: Նկարներում կարող ենք տեսնել Մարիացկա փողոցը, Երկար ծովեզրը, Աբբաթական պալատները Օլիվիայում... Գդանսկի բնակիչներին գեղանկարչությունից և գծանկարչությունից շատ լավ հայտնի տեսարանները, որ պատկերվեցին Հայաստանի նկարիչների կողմից կարող են զարմացնել, որի մասին բացման ժամանակ նշեց գդանսկցի նկարիչ Մարեկ Վրուբելը . «Սա ֆանտաստիկ, մեկ այլ հայացք է դեպի Գդանսկը: Մենք գդանսկցիներս «դատապարտված» ենք մեր քաղաքի ճարտարապետությունը նկարելու յուրօրինակ ձևին, որն արդեն հագեցված է, ինչ-որ տեղ այդ զգաստ, տասնիններորդ դարյա կանոնի և վայելչություն մեջ: Նրանք եկել են այստեղ որպես թարմ արվեստագետներ և նկարել են Գդանսկն այնպես, ինչպես իրոք զգում են այն և տեսնում: Ստացվել է շատ գեղեցիկ, բոլորովին այլ հայացք նրանից, որին մենք սովոր ենք»:
|